ကိုကို ဘာသာပြန်သည်။
သေဆုံးသွားပြီဖြစ်သော လစ်ဗျားခေါင်းဆောင် မိုမာကဒါဖီ၏သားဖြစ်သူ ထွက်ပြေးတိမ်းရှောင်နေသော ဆေ့ဖ်အယ်လ်အစ္စလမ်ကို သုံးလကြာ အောင် လိုက်လံရှာဖွေနေခဲ့ရာမှ ဖမ်းဆီးရမိပြီ ဖြစ်ကြောင်း လစ်ဗျား ကြားဖြတ်အစိုးရ ၀န်ကြီးချုပ် အဗ္ဗဒဲလ်ရာဟင်ဒယ်တစ်က နိုဝင်ဘာလ ၁၉ ရက်က ကြေညာသည်။
လစ်ဗျားနိုင်ငံတောင်ပိုင်းတွင် ဆေ့ဖ်နှင့် အပေါင်းအပါငါးဦးတို့ကို မော်တော်ယာဉ်နှစ်စီးပေါ်တွင် ဖမ်းဆီးရမိခဲ့ခြင်း ဖြစ်သည်။
"သူတို့ကို အငိုက်ဖမ်းလိုက်မိတာပါ။ သူတို့ခုခံချိန် မရလိုက်ပါဘူး။ ပထမတော့ သူတို့ကို ပစ်မှာစိုးပုံရတယ်။ ဒါပေမယ့် ဆေ့ဖ်အယ်လ် အစ္စလမ်ရဲ့ သတ္တိနဲ့ တည်ငြိမ်မှုကိုတော့ ကျွန်တော်တို့ ၀န်ခံကြရမှာပါပဲ။ သူ တကယ့်ကို ကြောက်ပုံမရပါဘူး"ဟု သူတို့ကိုဖမ်းဆီးရမိသော ဇင်တန် ပြည်သူ့စစ်တပ်ဖွဲ့မှ အာမက် အမ္မာက ပြောပြသည်။
ဆေ့ဖ်နှင့် သူ့လူငါးဦးတို့တွင် ကာလက်ရ်ှနီကော့ဖ် အပေါ့စားမောင်းပြန် ရိုင်ဖယ်နှင့် လက်ပစ်ဗုံးအချို့မှလွဲ၍ အခြား မည်သည့်လက်နက်မျှ မပါဝင်ကြပေ။
တစ်ချိန်က ကဒါဖီ၏ အရိုက်အရာကို ဆက်ခံမည့်သားဟု လူသိများ ခဲ့သော ဆေ့ဖ်အယ်လ်အစ္စလမ်နှင့် အပေါင်းအပါငါးဦးကို လစ်ဗျားနိုင်ငံ၏ ဝေးကွာလှမ်းသော ဆာဟာရသဲကန္တာရ တောင်ပိုင်းတွင် နိုဝင်ဘာလ ၁၉ ရက်နေ့ နံနက်စောစောတွင် ဇင်တန်ပြည်သူ့စစ်များ အကွက် ဆင်ထားသော ထောင်ချောက်ထဲ၌ ဖမ်းဆီးရမိခဲ့ခြင်းဖြစ်သည်။
ဇင်တန်ပြည်သူ့စစ်များသည် လစ်ဗျား ယာယီကြားဖြတ်အစိုးရသစ်ကို ထောက်ခံသူများဖြစ်သည်။ ထရီပိုလီမြို့တော်၏ အနောက် တောင်ဘက် မိုင် ၁၁၀ အကွာရှိ ဇင်တန် မြို့သို့ ဆေ့ဖ်ကို ခေါ်သွားစဉ် ဆေ့ဖ်က သူ့အားဖမ်းဆီးထားသူများအား သူ၏ ဦးခေါင်းကို သေနတ်နှင့်ပစ်သတ်ရန် တောင်းဆိုခဲ့သည်ဟုဆိုသည်။
ကဒါဖီ ၏သားဖြစ်သူ ဆေ့ဖ်သည် ဖေဖော်ဝါရီ လအတွင်းကပင် နောက်ဆုံးကျည် တစ်တောင့်တည်း ကျန်သည်အထိ ခုခံသွားမည်ဟု ပြောခဲ့သူဖြစ်သည်။
ဆေ့ဖ်ကို ဇင်တန်မြို့ အကျဉ်းထောင် သို့ ခေါ်ဆောင်သွားစဉ် ဒေါသထွက် နေသော လူအုပ်ကြီးက သူ့အား ၀ိုင်းကြည့်နေကြသည်ကို ဗီဒီယိုရိုက်ကူးမှု၌ တွေ့မြင်ရသော်လည်း လွန်ခဲ့သောလအတွင်း သူ့ဖခင် ကဒါဖီအဖမ်းခံရ စဉ် လူတွေက ရက်ရက်စက်စက်ဝိုင်း၍ အမဲဖျက်ကြသည့် ရက်စက်မှုမျိုးကိုမူ ယခုတစ်ကြိမ်တွင် ခွင့်မပြုခဲ့ချေ။
လစ်ဗျားနိုင်ငံတောင်ပိုင်း နိုက်ဂျာ နိုင်ငံနှင့် အယ်လ်ဂျီးရီးယားနိုင်ငံတို့နှင့် နယ်စပ် လမ်းကြောင်းများကို ပိတ်ဆို့ ရန်အတွက် သူ၏ ပြည်သူ့စစ်တပ်ဖွဲ့ကို ဇင်တန် မြို့မှ စေလွှတ်ခဲ့ခြင်းဖြစ်သည်ဟု တပ်ဖွဲ့ခေါင်းဆောင် အမ္မာကပြောသည်။
ဒေသခံ တာဂူအန် မျိုးနွယ်စုများနှင့် ဇင်တန် တိုက်ခိုက်ရေးသမားများသည် နိုက်ဂျာနိုင်ငံသို့ ကားဖြင့်ထွက်ပြေးရန် ကြိုးစားသည့် ဆေ့ဖ်တို့လူစုကို ကြားဖြတ် ချုံခို ဖမ်းဆီးလိုက်နိုင်ခြင်းဖြစ်သည်။ ဆေ့ဖ်အဖွဲ့ထဲမှ တစ်ဦးက သတင်းပေး ခဲ့ခြင်းဖြစ်သည်ဟု ဆိုသည်။
ဆေ့ဖ် အယ်လ်အစ္စလမ်ကို နိုဝင်ဘာလ ၁၉ ရက် ဒေသစံတော်ချိန် သန်းခေါင်ကျော် မနက် ၁ နာရီ ၃၀ မိနစ်တွင် လစ်ဗျား နိုင်ငံ တောင်ပိုင်း အော်ဘာရီအနီး ၀ါဒီ အယ်လ်-အဂျားလ် ခရိုင်ထဲတွင် ဖမ်းဆီးရမိခဲ့ခြင်းဖြစ်သည်။
၁၉ ရက်နေ့ က လစ်ဗျား တီဗီချန်နယ်မှ ထုတ်လွှင့် ပြသရာတွင် ဆေ့ဖ်ကို မုတ်ဆိတ်မွေး ထူလပျစ်နှင့် ခုတင်တစ်ခုအစွန်းတွင် မှီထိုင်နေသည်။ ညာဘက်လက်မှ လက်ချောင်းလေး သုံးခုကို ပတ်တီး စည်းထားသည်။
သူ့ခြေထောက်များကို စောင်ခြုံထားသည်ကို တွေ့မြင်ကြရ သည်။ ဆေ့ဖ်၏ ဒဏ်ရာများမှာ နေတိုး လေကြောင်းမှ တိုက်ခိုက်ခံရစဉ် အတွင်း ရရှိခဲ့သော ဒဏ်ရာများဖြစ်သည်။
ကဒါဖီ ၏သားဖြစ်သူ ဆေ့ဖ်သည် ရည်ရည် မွန်မွန်နှင့် လူရည်ဝသူတစ်ဦးဖြစ်ပြီး ယခင်က ဆံမုတ်ဆိတ်များကို သန့်ရှင်း သပ်ရပ်စွာ အပြောင်ရိပ်ထားသူဖြစ်သည်။
သူ့ဖခင်အရိုက်အရာကို ဆက်ခံမည့်သူအဖြစ် ရှုမြင်ထားကြပြီး ပြုပြင် ပြောင်းလဲရေးများ လုပ်ဆောင်မည့် ပညာတတ်တစ်ဦးအဖြစ် မျှော်လင့်ထား ခဲ့ကြသည်။
သို့သော် အာရပ်နွေဦး တော်လှန်ရေးများ ဖြစ်ပေါ်လာသောအခါ ဆန္ဒပြသူများကို ရက်ရက်စက်စက်နှိမ်နင်းခဲ့ရာတွင် တက်တက်ကြွကြွ ပါဝင် လုပ်ဆောင်ခဲ့သူ ဖြစ်လာခဲ့သည်။
အပြည်ပြည်ဆိုင်ရာတရားရုံး (အိုင်စီစီ)က ဇွန်လ ၂၇ ရက်နေ့တွင် ဗိုလ်မှူးကြီး ကဒါဖီ၊ သူ့သား ဆေ့ဖ်နှင့် ကဒါဖီ၏ ထောက်လှမ်းရေး အကြီးအကဲ အဗ္ဗဒူလာ အယ်ဆီနူဆီတို့ကို ဆန္ဒပြသူများအပေါ် နှိမ်နင်းရာတွင် လူသားများအပေါ်ကျူး လွန်သော ရာဇ၀တ်မှုဖြင့် စွဲချက်တင်ပြီး အလိုရှိကြောင်း ထုတ်ပြန်ထားသည်။
ယခုအခါ ဖမ်းဆီးရမိထားသော ဆေ့ဖ်ကို ဥပဒေကြောင်းအရ တရားစွဲ ဆိုရာတွင် အပြည်ပြည်ဆိုင်ရာ တရားရုံး (အိုင်စီစီ)နှင့် ပူးပေါင်း၍ တရားမျှတစွာ လုပ်ဆောင်ရန် အင်အားကြီးနိုင်ငံများက လစ်ဗျားကြားဖြတ် အင်န်တီစီ အစိုးရကို တိုက်တွန်းထားသည်။
အာဏာရှင် မိုမာကဒါဖီ၏ ထောက် လှမ်းရေးမှူး အဗ္ဗဒူလာဆီနျူဆီကိုလည်း နိုဝင်ဘာလ ၂၀ ရက်တွင် ဖမ်းဆီးရမိ ထားကြောင်း လစ်ဗျားအရာရှိများက ကြေညာသည်။
ကမ္ဘာ့နိုင်ငံများထံမှ ဖိအားပေးတောင်းဆို နေမှုများကို လျစ်လျူရှုကာ လစ်ဗျား ကြားဖြတ်အစိုးရ သည် ကဒါဖီ၏သား ဆေ့ဖ် အယ်လ်အစ္စလမ်ကို သဟေ့ဂ်မြို့ အပြည်ပြည်ဆိုင်ရာ တရားရုံး (အိုင်စီစီ) လက်သို့မအပ်ဘဲ လစ်ဗျားနိုင်ငံအတွင်း၌သာ စစ်ဆေး အရးယူမည်ဟု ကြေညာထားသည်။
၃၉ နှစ်အရွယ် ဆေ့ဖ်ကို အိုင်စီစီက ဆန္ဒပြသမားများအပေါ် ရက်စက်စွာ ကိုင်တွယ်မှုကြောင့် လူသားအပေါ် ကျူးလွန်သော ရာဇ၀တ် မှုဖြင့် အလိုရှိ ကြောင်း ဖေဖော်ဝါရီလအတွင်း ထုတ်ပြန်ထားခဲ့သည်။
No comments:
Post a Comment