Monday 21 November 2011
ပဉ္စမမြောက် ရင်ချင်းအသည်းချင်းဆက် အမြွှာညီအစ်မ ခွဲစိတ်မှု အောင်မြင်ပြန်
တနင်္သာရီတိုင်းဒေသကြီး ထားဝယ်မြို့ လောင်းလုံဆေးရုံတွင် မွေးဖွားခဲ့သော ရင်ချင်း၊ အသည်းချင်းဆက်အမြွှာညီအစ်မကို ရန်ကုန်တိုင်းဒေသကြီး ရန်ကုန် ကလေးဆေးရုံကြီး တွင် ၉-၁၁-၂ဝ၁၁ ရက်ကအောင်မြင်စွာ ခွဲစိတ်နိုင်ခဲ့ကြောင်း သိရသည်။ ခွဲစိတ်မှုကို နံနက် ၇နာရီကစတင်ရာ ၁၁ နာရီခွဲခန့်တွင် ခွဲစိတ်မှုအားလုံး ပြီးစီးသွားခဲ့ကြောင်း၊ခွဲစိတ်မှုတွင် ကလေးခွဲစိတ်အထူးကု ဆရာဝန်ကြီးသုံးဦးနှင့် အခြားခွဲစိတ်ဆရာဝန်ကြီးများပါဝင်ခဲ့ကြောင်း သိရသည်။ ခွဲစိတ်ပြီးနောက် ကလေးများ ကျန်းမာရေးကောင်းမွန်လျက်ရှိကြောင်း ကျန်းမာရေးဆက်တိုက်ကောင်းမွန်နေပါက ခွဲစိတ်သည့်နေ့မှစ၍ သုံးလခန့်ကြာလျှင် မိဘများအနေဖြင့် မိမိနေရပ်ကို ပြန်ခေါ်နိုင်ကြောင်း သိရသည်။ ရင်ချင်း၊အသည်းချင်းဆက် အမြွှာညီအစ်မနှစ်ဦးအမည်များမှာ အင်ကြင်းခိုင်နှင့်အင်ကြင်းလှိုင်ဖြစ်ပြီး ၂၅-၁-၂ဝဝ၉ ရက်တွင် ထားဝယ်မြို့ လောင်းလုံဆေးရုံတွင် မွေးဖွားခဲ့ခြင်းဖြစ်ကြောင်းသိရသည်။
Subscribe to:
Post Comments (Atom)
No comments:
Post a Comment